Општина Кривогаштани денеска испрати возило со цистерна и две пумпи за црпење на вода, како и тројца луѓе од ТППЕ Кривогаштани и од Јавното претпријатие „Пелагонија“, како помош за настраданите населени места од поплавите во Скопје.
„Доколку има потреба општината и ЈКП „Пелагонија“ се подготвени да испратат дополнителни ресурси како во опрема така и во луѓе, согласно можностите и потребите. Исто така утре од 9 часот пред ТППЕ Кривогаштани ќе биде отворен пункт за донација, каде сите граѓани ќе можат да донираат за настраданите од скопско. Ги повикувам сите жители на општината да донираат според своите можности, и уште еднаш, како многу пати досега, да ја покажеме нашата хуманост“, изјави Тони Заткоски, градоначалник на Кривогаштани.