МВР информира дека вчера претпладне околу 10:10 часот во СВР Скопје е пријавено дека на крстосница од кружен тек од ул. „Христо Татарчев”, ул. „Марко Орешковиќ” и бул. „Србија” во Скопје се случила сообраќајна несреќа помеѓу товарно возило „фолксваген” со скопски регистарски ознаки кое било паркирано од М.Р.(34) од Скопје, и веднаш откако тргнало удрило во пешакот И.К.(24) од Скопје.
Во несреќата со тешки телесни повреди се здобила И.К., констатирани во Ургентен центар при комплекс клиники „Мајка Тереза”.
СВР Скопје презема соодветни мерки за утврдување на причините по што ќе бидат поднесени соодветни поднесоци.