Ѓорѓиевски: Скопје нема време за експерименти, потребна е работа и резултати

Од:

Кандидатот за градоначалник на Град Скопје од ВМРО-ДПМНЕ, Орце Ѓорѓиевски, вечерва упати благодарност до граѓаните на Чаир за поддршката и довербата што му ја укажале во првиот изборен круг.

„Денот го завршуваме меѓу чаирчани – со гордост и енергија за најдоброто што доаѓа. Победата во првиот круг и огромната поддршка за вториот се јасна порака дека на Скопје не му се потребни повеќе експерименти, туку докажана работа, визија и резултати“, изјави Ѓорѓиевски.

Тој посочи дека неговиот тим има јасен и реален план за подобрување на животот во Чаир и во целиот град, меѓу кои изградба на монтажна катна гаража и проширување на булеварот „Цветан Димов“ за решавање на хроничниот проблем со паркирањето.

„Но ние не застануваме тука. Чаир ќе има поддршка од градот Скопје каква што досега не видел“, нагласи Ѓорѓиевски, додавајќи дека во вториот изборен круг влегува со уште поголема енергија и мотивација за, како што рече, „историска победа во Скопје“.

Кандидатот заврши со порака на благодарност кон сите граѓани за искрената поддршка и довербата: „Најдоброто допрва доаѓа“.

Би можело да ве интересира

За неколку дена ќе бида распишана тендерска постапка за изградба на Луна паркот во Скопје

Ѓорѓиевски: Деблокиран е процесот за клучката кај Момин Поток и изградбата продолжува со забрзано темпо

А1он

Ѓорѓиевски: Скопје останува Европска престолнина на културата за 2028 година

Во Скопје од денеска 50 евра казна за фрлање ѓубре меѓу 22 до 06 часот

Ѓорѓиевски ги откри имињата на идните директори на јавните претпријатија во Град Скопје

А1он

Ѓорѓиевски: „Дрисла“ е во исклучително лоша состојба