Кандидатот за градоначалник на Град Скопје од редовите на ВМРО-ДПМНЕ Орце Ѓорѓиевски денеска остварил средба со академик Катица Ќулавкова.
-Ми беше особена чест и задоволство да испијам пријателско кафе со академик Катица Ќулавкова – интелектуалец, универзитетски професор и редовен член на МАНУ, се вели во објавата на Ѓорѓиевски на неговата Фејсбук страница.
Како што наведува Ѓорѓиевски, нејзиното творештво е вистински печат во современата македонска книжевност, преку делата што инспирираат генерации, што ја збогатуваат нашата културна меморија и отвораат нови хоризонти на мислата и уметноста.
-Од срце ѝ благодарам за поддршката и охрабрувачките зборови кои ми ги даде. Ваквите средби носат силна мотивација и уште поголема одговорност за сè што следува, наведува Ѓорѓиевски.