Филипче: Дипломатска катастрофа и понижување на македонската држава од страна на ВМРО-ДПМНЕ и Давкова

Од:

Вчера, при официјалната посета на Бугарија од страна на претседателката Гордана Сиљановска-Давкова, се случи невидено погазување и понижување на достоинството на македонската држава и нејзините граѓани, вели претседателот на СДСМ, Венко Филипче во објава на Фејсбук.

-За првпат во историјата на нашата држава, македонски претседател оствари средба со претседател на друга држава без никакви државни обележја. Да биде скандалот уште поголем, на средбата присуствуваше и министерот за надворешни работи и надворешна трговија, Тимчо Муцунски, кој беше само нем сведок на недоличниот и понижувачки чин. Очигледно е дека ниту еден претставник на македонската делегација не реагирал на ова деградирачко однесување, вели Филипче.

Голем скандал се случи во Софија, токму во соседната земја која е омилена тема на ВМРО-ДПМНЕ за печалење на политички поени преку популистички изјави и ставови потенцира претседателот на СДСМ.

-Додека на домашен план се претставуваат како големи патриоти, на буквално првата средба во Софија гордо позираа пред бугарското, но не и пред македонското знаме. Ниту на средбата на Дафкова со Радев, ниту на средбите на министрите на Мицкоски со колегите министри од Бугарија немаше државно знамe.Остро го осудувам ова понижување на државата и државните симболи. Покрај понижувањето, Дафкова од Софија не се врати со ниедна конкретна порака или договор, додека бугарската страна јасно порача дека не отстапува од позициите. Не слушнавме нуту дали и како Дафкова побарала унапредување на преговорите, промена на преговарачката рамка и се што ветуваат. Со еден збор, дипломатска катастрофа на ВМРО-ДПМНЕ и Дафкова, вели претседателот на СДСМ, Венко Филипче.

Би можело да ве интересира

Делчев нè потсетува на жртвата којашто нашите предци ја дале за македонскиот народ да живее во сопствена држава, вели Сиљановска-Давкова

Горан Наумовски

(ВИДЕО) Филипче: Ако Делчев кажал дека сме поделени како нација, ние тоа го сведочиме и денес, повеќе од еден век подоцна

Горан Наумовски

ВМРО-ДПМНЕ: Граѓаните не може да очекуваат ништо од СДС, ниту од Филипче, кој сака да биде „втор Заев“

Горан Наумовски

Од тандемот Заев-Филипче Македонија и граѓаните само беа понижени и негативно претставени, велат од ВМРО-ДПМНЕ

ВМРО-ДПМНЕ: Венко Филипче се гордее со Зоран Заев и учи од него

ВМРО-ДПМНЕ: СДС, Филипче и Заев се синоним за криминал, неспособност и предавства