Судот го осуди Петар Маневски на 13 години затвор како одговорен за смртта на матурантот од ГУЦ „Здравко Цветковски“, Мухамед Али Јашари.
Според Судот тој е одговорен за нанесување тешка телесна повреда. Во истиот процес е осуден Стефан Гелов за кривичното дело загрозување со опасно орудие на 4-месечна затворска казна.
За 3-то момче Доријан Т. судот ја запре постапката и не му одреди никаква мерка.
Инцидентот во кој смртно настрада Мухамед Али Јашари се случи во дворот на ГУЦ „Здравко Цветковски“, кога матурантот од Кондово, се обиде да му помогне на својот школски другар Дарко Анчев, во моментот кога беше нападнат.