Инвеститори од Турција се заинтересирани за вложување во алтернативни извори на енергија во Богданци. Тие денеска остварија средба со градоначалникот Ристо Ичков со кого разговараа за условите што ги нуди општината и за можните локации за изградба на капацитети за производство на алтернативна енергија.
Гостите од Турција изразија подготвеност да инвестираат и најавија дека следните контакти ќе ги направат со надлжените ресорни министерства. Тие го информираа градоначалникот Ичков дека во Македонија веќе основале и компанија од областа на енергетиката.