Владата на Република Македонија на денешната седница донесе одлука за формирање технолошко-индустриска развојна зона во Прилеп.
Зоната ќе биде лоцирана во близина на населеното место Алинци, што се наоѓа на левата страна на магистралниот пат М5, Прилеп-Битола.
Оваа зона ќе се простира на 67,5 хектари, со можност за проширување на уште 35,7 хектари.
Активностите за уредувањето на инфраструктурата во зоната ќе започнат во текот на оваа година и нив ќе ги спроведе Дирекцијата за ТИРЗ.
Минатиот месец Владата одлучи да се формираат технолошко-индустриски развојни зони и во општините Ранковце и Кичево.