Во Технолошко-индустриската развојна зона во Тетово денеска ќе биде поставен камен-темелник на производствен погон на италијанската компанија „Итек“.
Инвестицијата е пет милиони евра и во првите две години се очекува да донесе 150 нови вработувања.
Компанијата се занимава со производство на композитни материјали што се користат во градежништвото, автомобилската индустрија и земјоделството.
На настанот најавено е присуство на премиерот Никола Груевски и на министерот за економија Беким Незири.
Инвестицијата ќе се реализира преку локалната компанија „PRO COMP ADVANCE TECHNOLOGIES“.
Договорот за реализација на инвестицијата беше потпишан во јануари годинава.