Николоски: Во 2032 година треба да може да се патува со воз од Скопје до Бургас

Од:

„Ако се оди како што треба на двете страни, во 2031-32 година треба да може да се патува со воз од Скопје до Бургас“ најави денеска вицепремиерот и министер за транспорт Александар Николоски.

Тој во одговор на новинарско прашање потврди дека на 4 ноември, кога ќе завршат сите ограничувања заради изборите, ќе се потпише договорот за заедничка изградба на прекуграничниот тунел на пругата кон Бугарија, како што е договорено во јуни годинава.

-Во јуни имавме средба со вицепремиерот и министер за транспорт Караџов во Истанбул, една корисна конструктивна средба каде што првпат после скоро година дена, седнавме да ги разгледаме реалните проблеми коишто се од инженерски, а не од политички карактер. Имајќи предвид дека средбата беше таква, стручна за теми коишто не се поврзани со политика, затоа што градење пруга не е политика најдовме многу брзо решение – посочи Николоски.

Како што прецизира, договорено е Македонија да ја изгради третата фаза од железницата кон Бугарија, првата, додаде, е изградена, а втората се гради во моментов.

-Бугарија си ги презеде своите обврски, а тоа е да инвестира милијарда и половина евра во изградба, реконструкција и надградба на пругата која што оди од Софија преку Перник до Ѓуешево и да го изгради делот од Ѓуешево до границата. За делот од Ѓуешево до границата веќе има тендери и она што останува тунелот којшто претходно, за жал, беше проектиран до пола, сега ќе се проектира целосно и за таа работа секако треба да се потпише меѓудржавен договор. По завршувањето на изборите, кога ќе завршат овие ограничувања истиот ќе го потпишеме, рече Николоски.

Би можело да ве интересира

Николоски: Ставен во функција радарот на скопскиот аеродром

Николоски: Правилата за патување во ЕУ за земјава одложени за следната година, во контакт сме со ЕУ

А1он

Николоски: Во функција ставена клучката што ги спојува Охрид и Струга, Македонија и Албанија

Катерина Ѓуровски

Од ноември од Скопје ќе се лета до Мадрид и Стокхолм, а од декември до Прага, Бари и Келн

Николоски во Лондон: Се работи за пет милијарди фунти кои се ставаат на располагање на Македонија

А1он

Николоски раскажува приказни за добра ноќ, каде е да го потпише договорот, реакција од Бугарија за Коридорот 8

Катерина Ѓуровски