Сопственици на италијанска меѓународна компанија, која има над 10.000 вработени во Италија и Романија, деновиве беа во посета на Македонија со цел да ги разгледаат можностите за отварање на контакт центар.
Домаќин и организатор на посетата е министерот за странски инвестиции Џери Наумоф, а посетата е договорена на неговиот состанок со основачите на компанијата во јуни на бизнис патување во Италија.
– Сопствениците на компанијата се позитивно изненадени од поволната бизнис клима во Македонија. Компанијата ќе донесе вработување на млади факултетски образовани луѓе, со добри јазични вештини по италијански, германски и англиски јазик, изјави Наумоф.
Тој посочи дека резултат од истото патување во Италија е официјалното отворање на канцеларијата во Скопје на претставник на Адвокатската фирма Студио Легале Алесандро и Франческо Дањино, која има свои канцеларии во Милано, Рим и Палермо. Канцеларијата во Македонија, која ќе им служи на италијански клиенти, веќе има неколку вработени.