Германски компании од прехранбената индустрија и рударството ги разгледуваа денеска можностите за проширување на бизнисите во Македонија.
– За германската индустрија суровините имаат централно значење во 2012 година и е од огромно значење тие добро и безбедно да се обезбедат. Заедно со Стопанската комора од Кемниц изработивме студија за да го одредиме потенцијалот на Македонија во оваа област и сигурни сме дека тоа ќе биде интересно за цела Германија, а не само за Западна Саксонија – изјави Михаел Шмит, директорот на Претставништвото на германското стопанство во Македонија.
За Хорст Рихтер од Стопанската комора во Кемниц, целта им била да видат колку Македонија е конкурентна во однос на другите земји.
– Како покраина сме мали и немаме големи концерни, но имаме средни претпријатија кои имаат интерес да инвестираат во Македонија – рече Хорст Рихтер од германската Стопанска комора.
Проценките добиени од геолошките испитувања покажуваат дека ресурсите и резервите во делот на метали суровини во Македонија изнесуваат 471 милиони тони и 106 милиони тони во неметални суровини.