Филозофскиот филмски фестивал денеска во 11.30 часот ќе организира вебинар на тема „Ковид-19 и филмскиот сектор во Северна Македонија“, на кој ќе се отворат прашањата дали фестивалите треба да се откажат, одложат или да се изведат онлајн.
Ќе се дебатира и за тоа како домашните и европските институции одговорија на ковид кризата. Ограничувањата како потенцијал за креативноста? „Новата нормала“ и реосмислувањето на филмската индустрија? Како сакаме да го замислиме филмскиот сектор во иднина?, информираат организаторите.
Вебинарот ќе го модерира Ана Дишлиеска Митова, а ќе учествуваат: Анита Стојческа-Агенција за филм · Игор Иванов (режисер, ДФРМ/ Манаки), Бистра Георгиева (МЕДИА Деск МК), Владимир Љ. Ангелов (Кинотека), Саша Станишиќ (Катавеј/ Cinesquare), Стефан Палитов (режисер), Татјана Јаневска (Скопски Филмски Фестивал), Дарко Набаков (МакеДокс), Атанас Георгиев (продуцент) и Русе Арсов (МКЦ/Синедејс).