СДСМ: Нема плата за Велигден за културните работници

Од:

„Денес е 17 април. Два дена после законскиот краен рок за исплата на платата, во Светата седмица, на Велики четврток – симбол на смирение и човечност, само три дена пред големиот христијански празник Велигден, вработените во културата сè уште немаат добиено плата за месец март. Ова не е само административен пропуст. Ова е директен удар врз достоинството на оние што ја чуваат нашата културна меморија, ја создаваат уметноста и се грижат за духовното богатство на нацијата. Да не се исплати плата навреме – а особено во овие празнични денови кога семејствата се собираат, кога традицијата повикува на трпеза, топлина и заедништво – значи да се покаже рамнодушност кон нивниот труд и живот“ соопштија од СДСМ.

Од партијата велат „министерот за култура, Зоран Љутков, потфрли“.

„Потфрли не само како институционален раководител, туку и како човек кој некогаш самиот стоел на сцена и знае што значи љубовта кон културата. Разочарува фактот што токму тој, дојден од светот на уметноста, не покажа ни минимум емпатија и одговорност кон своите колеги – вработените во установите од културата низ целата земја. Културата не може да биде последна на листата. Луѓето што работат во театрите, музеите, библиотеките, галериите… заслужуваат почит и сигурност, не понижување и несигурност. Оваа ситуација не смее да се повтори. Време е некој конечно да понесе одговорност“ е ставот на СДСМ.

Би можело да ве интересира

СДСМ: Колку чинат екскурзиите на Љутков во странство со цела свита

Љутков: Свесен сум дека не ги дадовме платите пред Велигден, но конечно го решивме проблемот

Левица: Љутков ги повикал сметководителите надвор од работно време да изготвуваат плата, спротивно на Колективниот договор

А1он

Синдикатот на културата одржа протестен совет: Бараат исплаќање на платите и почитување на колективниот договор

А1он

СДСМ: Не вреди извинувањето на Љутков, Владата намерно ги понижува културните работници

Предраг Петровиќ

Министерот Љутков им се извини на вработените во културата поради платата што доцни

А1он