Денес на сцената на Н.У. Турски театар- Скопје во продукција на Турски театар и во соработка со Општина Центар а под покровителство на АД ЕВРОПА и ФЕРШПЕД беше изведена новогодишна детска претстава за најмладите. Гости на оваа новогодишна претстава беа и децата од СОС детско село Македонија.
Во претставата настапуваа Џенап Самет, Селпин Керим, Фунда Ибрахим, Зубејде Селимовска, гостин на претставата беше и нашиот актер и музичар Влатко Илиевски. Актерите на Н.У.Турски Театар-Скопје им поделија новогодишни пакетчиња на сите присутни дечиња кои беа донирани од АД. ЕВРОПА и ФЕРШПЕД.
Директорот на Турски Театар Скопје, Наџи Шабан им заблагодари за честа која со своето присуство им ја укажаа децата од СОС Детско село Македонија и сите деца кои денес беа присутни на новогодишната манифестација и уште еднаш во свое лично име и во име на неговите колеги од театарот им заблагодари на големата хуманост на АД ЕВРОПА и ФЕРШПЕД како и на градоначалникот на Општина Центар, Саша Богдановиќ за својата несебична поддршка и соработка.
– Денес на малата сцена на театарот сите ги наполнивме срцата со голема радост и насмевки” во координација со моите колеги од театарот ваквиот начин на соработка од хуманитарен карактер ќе биде традиција и во иднина. Со оваа прекрасна младешка енергија и потенцијал кој зрачеше денес на нашата сцена горд сум што театарот и уметноста ќе бидат лулка на културата и мултикултурализмот во иднина во нашата држава, посочи директорот на Турски театар- Наџи Шабан
Турски Театар Скопје во Изминатиот шест месечен изминат период освен редовниот театарски репертоар ја изведе и премиерата на Крал Лир, оствари гостувања на неколку меѓународни театарски фестивали во Р.Србија и Р.Турција, во овој момент се во завршна продукција на претставата „СРЕЌНА НОВА ГОДИНА” во режија и адаптација на Бојан Трифуновски.