Редакцијата на весникот „Вест” одлучи да ја повлече онлајн анкетата „Која водителка без гаќи пред Груевски?”.
Во услови на вакво судство и вакви закони, како и во ваква констелација на односи во општеството, ние решивме да ја заштитиме редакцијата, рече Горан Михајловски за НОВА.
Инспирирана од српската емисија во која водителка без гаќи и со длабоко деколте минатата недела го интервјуирала српскиот премиер Ивица Дачиќ, дневниот весник „Вест“ во средата напладне започнал анкета која требало да заврши денес во 14 часот.
„Вест“ во анкетата предложи 10 познати македонски водителки и новинарки, за читателите да изберат која од нив без гаќи да го интервјуира премиерот Никола Груевски. Од весникот им се извинуваат на читателите кои гласале.
