Екипата на Работнички која ќе ја претставува Македонија во ФИБА Еврокупот својот противник во воведното елиминациско коло ќе го дознае на 3 август.
Според информациите од Минхен седиштето на Европската кошаркарска федерација, каде и ќе се одржи ждрепката, првиот натпревар Работбнички ќе го игра на 20 септември на гостински терен, додека реваншот е седум дена подоцна во Скопје (најверојатно СЦ „Борис Трајковски“).
Работнички ждрепката ќе ја чека од групата на носители во 1.коло од квалификациите, а можни противници се: Балкан (Бугарија), Сокхуми (Грузија), Вурзбург (Германија), Шолнок (Унгарија), КР Рејкјавик (Исланд), Бнеи Херцлија (Израел), Невезис (Литванија), Сибиу (Романија), Парма (Русија), Борас Баскет (Шведска) и Бујукчекмече (Турција).