Министерството за труд и социјална политика реагира на денешната прес-конференција на Националниот сојузот на слепи на Република Македонија (НССРМ) и притоа посочува дека постапува согласно своите надлежности.
– НССРМ до Министерството за труд и социјална политика не доставило никакви документи кои се барани во двата надзора од Министерството, кои беа спречени лично од претседателот на НССРМ, се вели во реакцијата од МТСП.
Од Министерството додаваат дека наместо да бара извинување од министерката за труд и социјална политика, Фросина Ташевска – Ременски, претседателот на НССРМ треба да им објасни и на другите надлежни институции и на членките на Сојузот за неговото финансиско работење.