Заменик министерот за труд и социјална политика Диме Спасов денеска писмено реагираше на изјавата на министерката за труд и социјална политика Фросина Ташевска Ременски, во кое таа, како што посочува Спасов, покажала елементарно непознавање на правни процедури, искажала голем број на небулози, невистини и манипулации.
– Ременски се уште не може да се помири со фактот дека нејзиното незаконско, несовесно и нестручно работење резултираше со времена мерка за ставање вон сила на незаконските разрешувања на петнаесет директори од институции под Министерството за труд и социјална политика, се вели во реакцијата.
Во неа се додава дека Спасов поднел тужба во рамки на неговата надлежност за незаконско работење на Ташевска Ременски и за прекршување на аднимистративни процедури, а оти Управниот суд во рамки на надлежностите донел времена мерка со цел да не настанат дополнителни последици како што е предвидено согласно Закон.
– Во овој случај техничката министерка има забрана да превзема дејствија. Со тоа решенијата за разрешување на директорите и именување на в.д директори немаат правна силасе до потврдување или одбивање на тужбата покрената од дополнителниот заменик министер за труд и социјална политика, се вели во реакцијата.
Притоа во неа се потенцира дека непочитување на судски одлуки и решенија повлекува кривична одговорност.