Ракометарката на Вардар, Татјана Хмирова имаше успешна операција на коленото, во Аугсбург, Германија, соопшти македонскиот ракометен првак.
– Хмирова имаше болки во десното колено поради таканаречениот плика синдром и почетни промени во рскавицата и затоа требаше да се оперира. Нашата ракометарка многу ќе ни недостасува во претстојните предизвици од Лигата на шампионите, но ако сѐ биде во ред, би требало да се врати за пет недели, информираат од ЖРК Вардар.
Тоа значи дека Русинката ќе ја пропушти главната фаза во Лигата на шампионите и преостанатите четири натпревари од неа. Првиот е на 6 февруари, во „Јане Сандански“ против шведскиот Савехоф.