Владата и министерството за земјоделство,шумарство и водостопанство се прашува од кога почна СДСМ да ги жали тутунарите. СДСМ никогаш не им подели субвенции,а камо ли да им понуди каква било помош. Затоа ќе биде подобро да не ги злоупотребуваат во парстиски цели, реагираат од Министерството на прес конференцијата на СДСМ.
Можеби СДСМ не се сеќава,но јавноста и тутунарите знаат дека оваа Влада уште пред почетокот на новото производството, во март, се договарааше со тутунарите и откупувачите и заеднички најдоа решение за проблемите кои настанаа поради помалата побарувачка на тутунот на светскиот пазар.
Да потсетиме дека оваа Влада најде начин како 24.500 тутунари од вкупно 34.600 да немаат намалување на производството или тоа да биде минимално, а со тоа спокојно да одгледуваат тутун без да стравуваат дали ќе им се откупи.
Ниту Владата, ниту министерството за земјоделство,шумарство и водостопанство не врши, како што вели СДСМ, притисок на компаниите да го откупат вишокот на произведен тутун.
За воведувањето на електронската евиденција на засадените површини ги повикуваме од СДСМ прво да разговараат со тутунарите и откупувачите ,а потоа да критикува нешто што може само да го подобри работењето на овој сектор.