Тетовец (37) почина во својот дом, а неговото тело е донесено во Клиничката болница во Тетово без знаци на живот.
Јавен обвинител нареди обдукција за да се утврдат причините за смртта.
Според информациите од МВР, вчера попладне во 16:35 часот, смртта на Ф.С.(37) е пријавена од Интерното одделение на тетовската болница.
Полициски службеници излегоа на местото на настанот, каде што лекар ја констатираше смртта.
Според првичните сознанија, мажот почина во својот дом, а на неговото тело не се забележани видливи траги на насилство.
Увид на местото изврши полициска екипа и јавен обвинител од Основното јавно обвинителство Тетово, кој нареди обдукција за утврдување на причините за смртта.