Францускиот претседател Емануел Макрон денеска, во своето обраќање пред Генералното собрание на ОН, повика „да не подлегнеме на духот на поразот“ и да „застанеме зад Обединетите нации пред законот на џунглата“.
„Секогаш кога законот на посилниот се обидува да се наметне, ние мораме да ги браниме правдата и заедничкиот интерес“, рече Макрон.
Макрон се осврна и на прашањето за Ормутскиот теснец, нагласувајќи дека повторното отворање на тој важен воден пат е приоритет.
„Почитувањето на меѓународното право е приоритет и е во интерес на сите. Франција ќе се ангажира во тоа“, рече тој.
Тој зборуваше и за руско-украинската војна, наведувајќи дека Русија веќе речиси пет години води „сурова војна против цивили во Украина и ја окупира територијата на суверена земја“.
Тој изјави дека Франција ќе продолжи да ѝ дава безусловна поддршка на Украина.
„Франција нема да штеди напори за што поскоро да се вклучи во корисни преговори меѓу Украина и Русија“, рече Макрон.