Најмалку девет лица загинаа откако патничкиот брод „Фило Џет“ со 267 луѓе се преврте кратко по испловувањето од пристаништето Кирне на северот на Кипар.
Според последните официјални информации, спасени се 237 лица, додека по дел од патниците и натаму се трага.
На социјалните мрежи се појави снимка од моментите пред пропаѓањето на бродот. На неа се гледа паниката межу патниците кои се борат за елеци за спасување.
BABIES CRY, ADULTS PANIC as FOOTAGE SHOWS PEOPLE SCRAMBLING for LIFE JACKETS MOMENTS BEFORE FERRY CAPSIZES off CYPRUS — 8 KILLED pic.twitter.com/1YIBFFKcLg
— RT (@RT_com) August 30, 2026
Меѓу повредените има и три деца кои се на интензивна нега. Според досегашните информации, нивните животи не се во опасност.
Бродот во меѓувреме целосно потонал на длабочина од 514 метри, што значително ја отежнува потрагата по исчезнатите.
Во големата спасувачка операција учествуваат кипарско-турските и турските служби, хеликоптери и голем број пловила. Властите на Република Кипар од јужниот дел на островот, исто така, понудиле помош.
🟠 UPDATE: Footage from inside the ferry shows passengers putting on life jackets shortly before the vessel capsized off Northern Cyprus.
At least seven people are dead, 237 have been rescued and 23 remain missing as search operations continue.
The ferry was carrying 267… pic.twitter.com/fUE6OHXd2e
— Planet Report HQ (@PlanetReportHQ) August 30, 2026
Капетанот на „Фило Џет“ и седум членови на екипажот се уапсени во рамки на истрагата за причините за несреќата, соопшти премиерот на Северен Кипар, Унал Устел.
„Секој аспект од овој инцидент ќе биде истражен. Ќе биде откриен и најмалиот пропуст“, порача Устел.
Тој додаде дека никој нема да биде поштеден од одговорност доколку се утврди дека е виновен или одговорен за трагедијата.