Шпанија е светски фудбалски шампион. Во финалето во Њу Џерси, синоќа тие ја победија Аргентина по продолженијата (1:0).
Стрелец на единствениот гол беше Феран Торес во 106-тата минута, но и Марк Кукуреља одигра многу важна улога во сето тоа.
Новиот дефанзивец на Реал Мадрид направи и еден потег што никој не го забележа.
🤫 Y AHORA OS CUENTO UN SECRETO…
⭐️ En 2010 enterré una moneda en el césped antes de comenzar el partido… Lo he contado millones de veces. Le pedí a @cucurella3 que hiciera lo mismo ayer… Marc, te quiero mucho. ¡ERES CAMPEÓN DEL MUNDO! pic.twitter.com/pPsSsf34FU
— Joan Capdevila (@capde11) July 20, 2026
Поточно, тој ја доби задачата од поранешниот репрезентативец Жоан Капдевила. Човекот кој ја освои светската титула со Шпанија во 2010 година во Јужна Африка, го замоли својот сонародник да го направат истото што го направил и тој тогаш – да закопа паричка на стадионот за среќа.
„Во 2010 година, закопав паричка на теренот пред почетокот на натпреварот. Ја имам раскажано таа приказна милион пати. Вчера го замолив Кукуреља да го направи истото. Марк, многу те сакам. Ти си светски шампион“, напиша Капдевила покрај видеото на кое се гледа како Кукуреља го прави токму тоа.
Ова е нешто што камерите го пропуштија, веројатно никој од нив немаше претстава што прави Марк и дека се крие од другите.
Сега и таа мистерија е решена.
Пред неколку дена, Жоан Капдевила (48) јавно, преку социјалните мрежи, му се обрати на претседателот на САД, Доналд Трамп. Неговото барање за виза за влез во Америка беше одбиено пред финалето, а тој сакаше да биде таму за да ги поддржи своите сонародници. На крајот, сè заврши добро.
Не се знае дали Трамп лично интервенирал или некој друг, но Капдевила доби виза и сè што е потребно за влез во земјата. Потоа го гледаше финалето и славеше со тимот, а исто така сними и момент што Кукуреља сигурно долго ќе го памети.