МВР информира дека вчера во 13:20 часот во СВР Тетово е пријавено дека во с. Пршовце, општина Јегуновце, се случила сообраќајна несреќа помеѓу товарно возило „мерцедес“ со тетовски регистарски ознаки, управувано од С.Е.(34) од с. Шемшево и велосипед, управуван од малолетник од с. Пршовце.
Во несреќата со тешки телесни повреди се здобил малолетникот, констатирани во Клиничка болница Тетово.
За настанот е известен јавен обвинител од Јавното обвинителство Тетово. Извршен бил увид од увидна екипа од СВР Тетово.