Министерството за внатрешни работи делуваше по објавата на шокантно видео на социјалните мрежи, на кое се гледа како возач управува со патничко моторно возило со неверојатни 293 километри на час на автопатот Скопје – Гевгелија, во близина на Неготино.
На тој дел од патот максимално дозволената брзина е 120 километри на час.
Возачот, А.Д.(36) од село Елово, скопско, веднаш e идентификуван, пронајден и повикан од полицијата.
„Тој е санкциониран согласно законските одредби“ – велат од МВР.
МВР апелира до сите учесници во сообраќајот да ги почитуваат сообраќајните правила и прописи, за зачувување на безбедноста на сите граѓани.