Во најновата верзија на европско-украинскиот мировен план се споменува дека Украина би можела да стане членка на Европската Унија веќе на 1 јануари 2027 година.
Во очаен обид да ги коригираат и ублажат 28-те точки од првичниот руско-американски предлог за мировен план, Европејците и Украинците во нивната најнова верзија на мировниот предлог презентиран на Вашингтон споменуваат дека Украина ќе стане членка на Европската Унија на 1 јануари 2027 година.
Ова го потврдија за лондонскиот весник „Фајненшл тајмс“ неименувани извори запознаени со содржината на документот презентиран на Американците.
Престаниците на Трамп, Стив Виткоф и Џаред Кушнер, вчера пристигнаа во Берлин на нови разговори со украинскиот претседател Володимир Зеленски и европски државници кои се вклучени во нетипични и очигледно многу драматични обиди за мир.