Францускиот претседател Емануел Макрон остро го осуди најновиот голем напад на Русија врз енергетската и железничката инфраструктура на Украина, нагласувајќи дека Франција ќе продолжи да го поддржува Киев во неговата потрага по мир.
На социјалната мрежа X, Макрон напиша:
La Russie s’enferme dans une démarche escalatoire et ne cherche pas la paix.
Je condamne avec la plus grande fermeté les frappes massives qui ont ciblé cette nuit l’Ukraine, en particulier ses infrastructures énergétiques et ferroviaires.
Nous devons continuer…
— Emmanuel Macron (@EmmanuelMacron) December 6, 2025
„Русија се вклучува во ескалација и не бара мир. Силно ги осудувам масовните напади врз Украина, особено врз нејзината енергетска и железничка инфраструктура“.
Тој го најави состанокот следната недела:
„Во понеделник ќе патувам во Лондон за да се сретнам со украинскиот претседател, британскиот премиер и германскиот канцелар со цел да ја проценам ситуацијата и да преговарам со американско посредништво“.
Макрон нагласи дека Украина може да смета на „непоколебливата поддршка“ од Франција и дека Коалицијата на доброволци работи со таа цел.
„Заедно со Американците, ќе ѝ обезбедиме на Украина безбедносни гаранции, бидејќи без нив долгорочен мир не е можен. Она што се случува во Украина се однесува на безбедноста на цела Европа“, додаде тој.