Во тешка сообраќајна несреќа во близина на српскиот град Топола, 75-годишен маж го загуби животот додека неговата сопруга (72) се здоби со полесни повреди.
Трагедијата се случи кога возач на „бмв“, С.С.(36), најверојатно пијан и дрогиран, со голема брзина удрил во автомобил „југо“ во кој биле сопружниците.
– Возачот на „бмв“ ја изгубил контролата врз возилото и директно се судрил со „југото“. Несреќниот старец починал на самото место, додека неговата сопруга била пренесена во болница, каде што била згрижена и за среќа нејзиниот живот не бил загрозен – потврди српската полиција.
Осомничениот возач е приведен, а против него ќе биде поднесена кривична пријава за предизвикување тешка сообраќајна несреќа со смртоносен исход, како и за возење под дејство на алкохол и психоактивни супстанци.