Кралот Филип VI од Шпанија денес му ја додели титулата маркиз на тенисерот Рафаел Надал, како признание за неговиот придонес во Шпанија преку спортот, се вели во соопштението на Палатата.
Надал, кој се пензионираше минатата година, е еден од шесте лауреати на кои им беа доделени титулите по повод десетгодишнината од владеењето на кралот Филип VI, објави Ројтерс.
Меѓу добитниците се поп-рок пејачката Лусе Касал и параолимписката пливачка Тереза Пералес.
„Тие се извор на гордост за Шпанија и постојана референтна точка за вредностите што треба да го инспирираат нашето општество“, се вели во соопштението.
Надал, кој ги освои гренд слем тениските титули 22 пати и триумфираше рекордни 14 пати на турнирот Ролан Гарос, сега ја носи титулата маркиз од Левант де Мајорка, од неговиот роден регион Мајорка, каде што сè уште живее.
Титулата може да ја наследат неговите потомци.
Пред неколку дена, поранешниот капитен на англиската фудбалска репрезентација, Дејвид Бекам, ја доби почесната титула „Сер“, која, по повод роденденот на кралот Чарлс, му беше доделена и на фронтменот на групата Ху, Роџер Далтри, како и на добитникот на Оскар, Гари Олдман.