Американскиот претседател Доналд Трамп денеска го предупреди рускиот претседател Владимир Путин дека „си игра со оган“ со интензивирање на нападите во Украина.
„Она што Владимир Путин не го сфаќа е дека да не бев јас, многу навистина лоши работи веќе ќе и се случија на Русија, а мислам навистина лоши. Тој си игра со оган“, рече Трамп во објавата на социјалната платформа TruthSocial.
Трамп претходно изјави дека размислува да воведе санкции кон Русија оваа недела, или да се повлече од разговорите за прекин на огнот во Украина, бидејќи е сè пофрустриран од нападите врз Украина и бавното темпо на мировните преговори, објави Волстрит журнал, повикувајќи се на неименувани извори.