Тројца полицајци загинаа во напад на единица на сообраќајната полиција во Махачкала, а еден од напаѓачите е елиминиран, објави Министерството за внатрешни работи на Руската Република Дагестан на својот канал Телеграм.
„Денеска околу 14 часот и 20 минути во Махачкала неидентификувани лица ја нападнале единицата на сообраќајната полиција на Министерството за внатрешни работи на Република Дагестан. Според прелиминарните информации, во нападот загинале тројца полицајци“, се наведува во соопштението, пренесува РИА Новости.
‼️👀 In Makhachkala (Russia), unknown assailants with guns attacked security forces, three police officers were killed. One of the attackers was killed too. pic.twitter.com/Hfc2Djgycg
— MAKS 24 🇺🇦👀 (@Maks_NAFO_FELLA) May 5, 2025
Малку подоцна прес-службата на МВР соопшти дека „еден од напаѓачите е веќе елиминиран“, а дека потрагата по останатите е во тек.
Според гувернерот на Дагестан, Сергеј Меликов, според непотврдени информации, службениците на МВР се обиделе да го запрат автомобилот, но возачот не го послушал и отворил оган кон нив.