Неколку илјади долари инвестирал масовниот убиец Џејмс Холмс во својот план за убиство на 12-те лица за време на премиерата на филмот за Бетмен во Колорадо.
Од домот на напаѓачот биле конфискувани две пушки, два пиштола и 6.000 куршуми, чија цена изнесувала над 5.000 долари. Заедно со конфискуваниот солзавец, заштитен елек, противгас и други слични материјали се добива сума од над 7.000 долари. На интернет се појавија дури и тврдења дека Холмс потрошил за својот арсенал 15.000 долари.
Ова го доведува во прашање финансисрањето на неговото злосторство. Холмс имал стипендија од 26.000, со која требал да плаќа кирија и да се храни. Се тврди дека студиите по неврологија му одземале многу време и тој не можел да работи дополнително.
Според некои извори, од домот на масовниот убиец биле одземени материјали со кои можел да произведе 30 бомби.