Премиерот на Србија, Милош Вучевиќ денеска изјави дека е добро за Ниш и за сите жители на Ниш што е спроведена голема антикорупциска кампања и дека стана јасно дека нема заштитени луѓе.
На прашањето за апсењето на уште 13 лица во Ниш, тој на новинарите во Заечар им рече дека останува да се види како обвинителството ќе го квалификува случајот, односно дали се работи за организирана криминална група или дали се работи за поединци или помали групи осомничени за сторени кривични дела.
„Неспорно е дека се работи за крупна акција во Ниш, не знам дека сме имале толку обемна акција и гледате дека нема заштитени луѓе, јас како претседател на партијата ќе ви кажам, не ми е пријатно што Драгана Сотаровска е член на претседателството на партијата, Горан Весиќ е член на претседателството на партијата, Јелена е член на претседателството на партијата. Двајца од нив се обвинети, односно чекаат да видат дали ќе стапи на правна сила обвинението за уривање на настрешницата на Железничката станица во Нови Сад.