Lynk & Co 02, првиот целосно електричен модел од Lynk & Co брендот и автомобил создаден од соработката меѓу Geely и Volvo, ја имаше својата европска промоција во Словенија. Преку возачко искуство низ пределите на Бледското Езеро, Бохињското Езеро и снежните врвови на Крањска Гора, ја демонстрираше одржливата мобилност и ја истакна посветеноста на Lynk & Co кон иновациите и храбрата визија за иднината на електричните возила во Европа.
Перформансите и уникатното доживување на Lynk & Co 02, беше следено од повеќе од 100 новинари од 12 земји во регионот.
Целосно електричниот Lynk & Co 02 означува нова ера, комбинирајќи впечатлив дизајн, напредна технологија и импресивен опсег од 445 км. Како прв електричен модел на брендот за европскиот пазар, 02 претставува клучна пресвртница во еволуцијата на Lynk & Co. Овој модел го отелотворува нивниот уникатен пристап – спој на технологија, одржливост и кориснички ориентиран дизајн за создавање нешто навистина посебно.
Lynk & Co 02 е дизајниран со визија да обезбеди возбудливо и напредно возачко искуство. Развиен во Гетеборг, Шведска, неговиот дизајн и карактеристики се обликувани врз основа на над 6 000 повратни информации од корисници, собрани преку иновативната Co:lab апликација на брендот. Овој колаборативен пристап резултира со динамичен електричен модел со пет врати кој комбинира врвна технологија, кориснички ориентиран дизајн и одржливи материјали.
Безбедноста е еден од основните столбови на Lynk & Co 02, опремен со 21 напредна функција за помош при возење, вклучувајќи Front Cross Traffic Alert, Evasive Maneuver Assist и Intelligent Cruise Control.
Заедно со опсегот од 445 км, овие иновации гарантираат непречено и сигурно возачко искуство.
Официјален застапник на Lynk&Co за Северна Македонија e Делфино Мобилити Груп и оттаму најавуваат дека Lynk&Co 02 ќе биде достапен во Македонија од март оваа година.