Српскиот премиер Милош Вучевиќ денеска оцени дека неволјите и страдањата на српскиот народ на Косово не завршуваат, туку сега добиваат само нова димензија, имајќи предвид дека изборите се одржуваат на 9 февруари.
Наведувајќи дека ситуацијата само се усложнува, Вучевиќ рече дека „јасно е дека Српската листа е најголемиот политички проблем за премиерот на Косово, Албин Курти“.
– Курти нема проблеми со другите српски партии кои учествуваат на изборите, велам таканаречени затоа што се на касата на истиот Курти и тој го држи далечинскиот управувач за тие квазисрпски или божем српски партии и лидери. Сите што водеа кампања против Српската листа згрешија, но Српската листа беше идентификувана од Приштина како главен и клучен проблем, дури и речиси прогласена за терористичка организација, рече Вучевиќ на РТС.