Шумски пожар во Јужна Калифорнија во близина на Лос Анџелес се прошири на површина од 60 квадратни километри, еден ден откако принуди евакуација на најмалку 1.200 луѓе. Само околу два отсто од пожарот што избувна во саботата беше локализиран до недела навечер, пренесува АП. Засега нема извештаи за жртви.
Шефот на противпожарната служба на округот Лос Анџелес, Кеичи Хаскет, изјави дека пожарникарите работат во тешки услови поради стрмниот терен и ветровите што го разгоруваат пожарот.
Пожарот моментално гори на околу 100 километри северозападно од Лос Анџелес, во близина на автопатот во близина на градот Горман, но Хаскет предупреди дека постои опасност пожарот да се прошири на Пирамидното Езеро, популарна дестинација за бродови, како и во градот Кастаик, дом на околу 19.000 луѓе.
Националната метеоролошка служба предупреди дека денеска се очекува мала влажност на воздухот и брзина на ветер од 80 километри на час.