Напаѓачот Урош Б.(21), кој синоќа кај Младеновац во Србија уби осум и рани 14 лица, утринава е уапсен, откако повеќе од осум часа бегаше од полицијата.
Припадниците на МВР по опсежна потрага го уапсија У.Б.(2002) во населба Грошница, во околината на Крагуевац“, соопшти МУП. „Тој е осомничен дека синоќа со огнено оружје убил осум лица и повредил 14. Полицијата продолжува со работа за расветлување на сите факти и околности на овој настан“, соопшти МВР.
Урош го почнал крвавиот поход на едно место кога излегол од автомобилот и пукал во група луѓе кои седеле околу логорски оган на пикник, пишува Блиц. Потоа стигнал до позиција на неколку километри и излегол од автомобилот и застрелал четири лица кои ја поправале оградата во дворот.
Потоа се вратил во автомобилот и се упатил кон центарот на селото Дубона и повторно пукал, при што убил две лица – полицаец кој не бил на должност и неговата сестра. Убиецот потоа избегал и огромната потрага по него траела цела ноќ.
Во викендицата што ја користел убиецот е пронајдено поголемо количество оружје и муниција, а се е одземено, јавува Блиц.
Во Дубона кај Младеновац е убиен полицаецот М.П. (22) и неговата сестра К.П. (19) и Д.Т.(25) Во друга област Смедерево починал М.М. (18), Н.С. (21), Л.М. (20), Н.М. (15) и А.М. (18).