Знаменитости, историски места, пријатни медитерански плажи, богато културно наследство и можеби најсовршената медитеранска клима – сето тоа ја прави Италија исклучително атрактивна дестинација за истражување.
Воопшто не е важно зошто имате желба да ја посетите. Едно е сигурно – Италија е рај за гурманите. Италијанскиот гастрономски свет е богат со традиционална храна и пијалаци, па токму затоа италијанската кујна низ историјата била прославена од поети, патници, книжевни класици, уметници, државници. Доколку сме искрени, богатите ароми дефинитивно ја поседуваат моќта да го „разбудат“ апетитот.
Италијанците можат и дење и ноќе да зборуваат за особеностите на убавината на националните семејни специјалитети и нивната подготовка. Прашањето: „Што имавте за појадок, ручек или вечера денес?“ e познато и сосема очекувано, како и прашањето: „Како си?“
Накратко, доколку сакате да бидете среќни и добро најадени, Италија е гурманскиот рај кој ви е потребен.
Невозможно е да се замисли Италија без вино за одлична вечер, без просеко и аперитив за супер ден, без еспресо за полна доза енергично утро. Оваа земја е позната по своите одлични вина и ликери, чиј вкус како национален симбол носи стабилен имиџ и статус на висококвалитетни алкохолни пијалаци. Секој национален италијански пијалак е доволен да ги освои симпатиите еднаш, но засекогаш. А, да се појави дури и најпребирливиот дегустатор на вино и кафе со сигурност ќе се согласи со една позната мисла на авторот Ентони Капела во книгата „Храната на љубовта“, која гласи Anni, amori e bicchieri di vino, nun se contano mai, односно „Години, љубовници и чаши вино – овие работи не смеат да се бројат“.
А, храната? Храната во Италија е издигната на ниво на култ во буквална смисла на зборот. Од нивните најпознати тестенини, до оригиналниот вкус на она што значи да се дегустира автентична италијанска пица, која не е само типично национално јадење, туку и симбол на земјата.
Најголемата гурманска дилема во Италија е следната: Дали да се зачини денот со чаша просеко пред Фонтана ди Треви или, пак, со парче пица маргарита од стереотипниот Неапол, местото каде е и измислен рецептот за оваа пица во 1889 година? Речиси и не постои човек кој барем еднаш во животот не би сакал да ужива во богатите вкусови на традиционалните јадења на земјата на виното и страсната љубов.
И, каков е заклучокот? Италија е земја која е буквално еден од најдобрите примери на Медитеранот за тоа како најмногу треба да се ужива во секој миг од животот. Или што би рекле Италијанците – ma tantissimo!
ПР Текст