Македонската кошаркарска репрезентација попладнево на младинското Европското првенство – Б дивизија ја победи домашната селекција на Бугарија со 64:60 (13:18; 18:14; 12:18 и 21:10).
Ова беше трета победа за Македонија У-20 со што ги задржа шансите за пласман на едно од првите три места кои обезбедуваат учество во повисок ранг натпреварување.
За разлика од дуелот против фаворитот Португалија кој македонските кошаркарки го загубија во последниот период, овој пат последната четвртина беше среќна за избраничките на селекторот Александар Домлевски.
На другите досега завршени натпревари постигнати се следниве резултати: Португалија – Чешка 51:58 и Израел – Белгија 39:61.
Вечерва играат Романија – Летонија.
Табела:
1. Белгија 5-0 (победи-порази),
2. Чешка 5-1,
3. Португалија 4-1,
4. Македонија 3-2,
5. Летонија 2-2,
6. Бугарија 3-3,
7. Израел 1-5,
8. Романија 0-4
9. Велика Британија 0-5.