Македонија 2025 во октомври ќе организира нов Глобален инвестициски самит, кој ќе ќе биде насочен кон зајакнувањето на националната конкурентност со стимулирање на иновацијата, претприемништвото и трансферот на стручното знаење.
Вториот Глобален инвестициски самитќе се одржи од 3 до 6 октомври. Учесниците ќе дискутираат за клучни прашања поврзани со конкурентноста на Македонија, како и за инфраструктурата и енергијата, технолошката подготвеност, развојот на финансискиот пазар и ефикасноста на пазарот на работниците. Самитот ќе прикаже успешни стратегии за лидерство, претприемништво и иновација кои се применливи на глобалните пазари, со цел да се зголеми квалитетот и конкурентноста на македонските производи и услуги.
Настанот и овој пат ќе собере на едно место високи државни претставници, светски бизнис лидери и потенцијални инвеститори во Македонија. Ќе понуди преглед на тековната економска и политичка рамка во контекстот на претпристапниот период на Македонија во ЕУ и ќе ги прикаже приоритетите за одржливи долгорочни инвестирања во инфраструктурата, транспортот и развојот на ICT инфраструктура, природните ресурси, енергијата и обновливата енергија, производството и истражувањето и развојот на човечки ресурси.
Самитот ќе понуди и серија на лидерски и мотивациски говори, работилници на темите иновација, претприемништво, истражување и технологија. За време на истиот ќе се одржат и билатерални средби помеѓу домашните компании и странските инвеститори, како и различни видови настани за поврзување и дружење.
Првиот Глобален инвестициски самит меѓу бизнис дијаспората и македонската бизнис заедница, Македонија 2025 го организираше минатата година во Охрид. На Самитот учествуваат повеќе од 350 странски и домашни бизнисмени и високи државни претставници. Дури 90 отсто од присутните ја истакнаа важноста и потребата од одржување вакви годишни бизнис собири кои стимулираат динамичен економски развој.с