Украинскиот претседател Володимир Зеленски денеска изјави дека имаше долг и „суштински“ телефонски разговор со специјалниот претставник на американскиот претседател Доналд Трамп, Стив Виткоф, и зетот на Трамп – Џаред Кушнер.
„Украина е посветена да продолжи да работи во добра волја со американската страна со цел вистински да се постигне мир. Се договоривме за следните чекори и формати на преговори со Соединетите Американски Држави“, напиша Зеленски на „X“.
Виткоф и Кушнер минатата недела во Мајами разговараа со украинскиот преговарач Рустем Умеров, што двете страни го нарекоа „конструктивни дискусии за унапредување на кредибилен пат кон траен и праведен мир во Украина“.
Виткоф треба да го информира Умеров за неговата посета на Москва и за средбата со рускиот претседател Владимир Путин.
