Украинскиот претседател Володимир Зеленски денес изјави дека таканаречената „размена на територии“ со Русија нема да ја запре војната во Украина и дека руската воена машина ќе запре „само кога ќе му снема гориво“.
„Човек може да помисли дека територијалните размени или обидот да се заведе (рускиот претседател Владимир) Путин преку враќање на трговијата со Америка или светот би можеле да ја запрат оваа војна. Ова не е вистина. Руската воена машина ќе запре само кога ќе му снема гориво“, рече претседателот на Украина на годишната конференција YES 2025, организирана од Фондацијата Виктор Пинчук.
Тој нагласи дека целта на Путин е окупација на цела Украина и дека само „силни одговори“ можат да ја принудат Русија да ги промени своите цели.
