Умерен земјотрес го погоди источниот дел на Јапонија, вклучително и областа на Токио, во 2 часот по полноќ по локално време, при што се повредени најмалку 37 лица, повеќето од нив полесно.
Нема опасност од цунами.
A 5.9-magnitude earthquake struck eastern Japan, including the Tokyo region, early Sunday, injuring at least five people and disrupting train services. A water pipe also ruptured in Tokyo’s Koto ward, while no tsunami warning was issued.#Japan #Earthquake #Tokyo #BreakingNews… pic.twitter.com/vLB8lPK7Gl
— News18 (@CNNnews18) August 23, 2026
Според Јапонската метеоролошка агенција, земјотресот имаше прелиминарна магнитуда од 5,9, а епицентарот беше во јужниот дел на префектурата Ибараки, на длабочина од 70 километри. Американскиот геолошки институт (USGS) регистрираше магнитуда од 5,8.
Најмалку 37 лица се повредени во петте префектури во регионот: 15 во Токио, девет во Саитама, осум во Канагава, четири во Чиба и едно лице во Ибараки, според локалните власти и Агенцијата за противпожарна заштита и управување со катастрофи.
Повеќето од повредените паднаа или удрија во мебел или врати бидејќи земјотресот ги затекна додека спиеја, а се повредени и во паника додека стануваа од кревет, соопштија властите. Меѓу повредените е и жена на возраст од околу 80 години, која падна од кревет во Јокохама, префектурата Канагава, и се здоби со тешка повреда на колкот, објави весникот „Јомиури“.