Во текот на ноќта, одбранбените сили на Украина ја погодија базата за складирање нафта „Комбинат Кристал“ лоцирана во градот Енгелс, во руската област Саратов, објави на Фејсбук, Генералштабот на вооружените сили на Украина, пренесува Укринформ.
Гувернерот на таа област Роман Бусаргин претходно денеска изјави дека руските градови Саратов и Енгелс биле нападнати од украински беспилотни летала во текот на ноќта, но дека според прелиминарните информации, во нападот нема повредени.
Рускиот гувернер на Телеграм објави дека на местото на несреќата се испратени противпожарни екипи и итните служби.