Унгарија и Велика Британија започнуваат стратешка соработка за брзо инсталирање на мали модуларни нуклеарни реактори, изјави денеска шефот на унгарската дипломатија Петер Сијарто по средбата со неговиот британски колега Дејвид Лами.
Сијарто ја истакна важноста на нуклеарната енергија во Унгарија и Велика Британија, додавајќи дека во последните години двете земји меѓусебно се поддржуваат во нуклеарниот развој.
Тој рече дека електрани може да се градат на површина со големина на фудбалско игралиште, што е доволно за напојување на мала населба или поголема фабрика „на ефикасен и еколошки начин“, пишува МТИ.