Американскиот државен секретар Марко Рубио денеска ја критикуваше одлуката на германската Федерална канцеларија за заштита на Уставот да ја прогласи Алтернатива за Германија за екстремистичка десничарска организација и рече дека она што е екстремистичко во Германија не е таа партија.
Германија штотуку ѝ даде на својата разузнавачка агенција нови овластувања за следење на опозицијата. Ова не е демократија, туку тиранија прикриена, изјави Рубио на социјалната мрежа Х.
– Она што е навистина екстремистичко не е популарната партија AfD, која го освои второто место на неодамнешните избори, туку официјалната смртоносна политика на отворени граници, на која AfD се противи. Германија треба да го промени курсот – рече Рубио.