Според буџетските документи за фискалната 2027 година, воздухопловните сили на САД побарале 2,2 милијарди долари за развој на новиот воздухопловен команден пункт E-4C, познат како „авион на судниот ден“.
Планираните средства за оваа програма се за 23,2 проценти повисоки од износот доделен оваа година.
Новиот авион треба да го замени постоечкиот E-4B, авион дизајниран да обезбеди команда во случај на нуклеарен конфликт, големи кризи или ситуации во кои копнените командни центри би биле онеспособени.
Пентагон го додели договорот за развој на новиот воздухопловен команден пункт на Sierra Nevada Corporation.
Авионите од овој тип имаат посебно место во американскиот стратешки команден систем, бидејќи се наменети да обезбедат врска помеѓу политичкото и военото раководство на САД во вонредни околности.