Почина ранетиот севернокорејски војник заробен од украинските сили во руската област Курск, објави јужнокорејската новинска агенција Јонхап, повикувајќи се на тамошните разузнавачки агенции.
Се верува дека војникот е првиот севернокорејски воен затвореник откако Пјонгјанг распореди свои воени сили за да им помогне на руските воени напори против Украина.
Националната разузнавачка служба на Јужна Кореја објави дека потврдила преку „сојузничката разузнавачка агенција“ дека војникот починал од „сериозни повреди“, напиша Јонхап, а пренесе Би-би-си.
❗️🇺🇦Ukrainian military found a note from a fallen 🇰🇵North Korean soldier in the Kursk region:
“Death is not the end, but the beginning of Eternal Glory! Remember, soldier, remember: your real fear is not death, but shame before your country. Being captured means betraying your… pic.twitter.com/5uKOm7puJN
— 🪖MilitaryNewsUA🇺🇦 (@front_ukrainian) December 27, 2024
Според извештаите од Киев и Сеул, Северна Кореја испратила повеќе од 10.000 војници да и помогнат на Русија, но Москва и Пјонгјанг ниту го потврдиле ниту го негирале нивното присуство на фронтот.
Сепак, се чини дека севернокорејските војници, вклучувајќи го и починатиот затвореник, не смееле да паднат живи во рацете на Украинците.
Украинските војници, според информациите објавени на X, кои не се независно потврдени, пронашле белешка кај паднатиот севернокорејски војник што се чини дека сугерира дека севернокорејските војници кои се борат заедно со Русите добиле инструкции да извршат самоубиство доколку се во безизлезна ситуација или им се заканува апсење.